Помолимся и мы великой угоднице Божией, скорой помощнице всем, с верою и любовью к ней приходящим, откроем сердца наши для радости света и любви, которыми сияет ее лик. Ведь несмотря на многие печали, даруются нам милостью Божией и утешения: праведники и мученики не только признаются, но и прославляются общецерковно, вновь сияют кресты на куполах храмов, возвращаются к жизни святые обители, возрождаются души людей, обратившихся к Богу.
Молитва 1-я
О святая блаженная мати Ксение! Под покровом Всевышняго жившая, ведомая и укрепляемая Богоматерью, голод и жажду, холод и зной, поношения и гонения претерпевшая, дар прозорливости и чудотво-рения от Бога получила еси и под сенью Всемогущего покоишися. Ныне Святая Церковь яко благоуханный Цвет прославляет тя. Предстояще на месте твоего погребения, пред образом твоим святым, яко живей ти сущей с нами молимся: приими прошения наша и принеси я ко Престолу Милосерднаго Отца Небеснаго, яко дерзновение к Нему имущая, испроси притекающим к тебе вечное спасение, на благая дела и начинания щедрое благословение, от всяких бед и скорбей избавление. Предстани святыми твоими молитвами пред Всемилостивым Спасителем о нас, недостойных и грешных. Помози, святая блаженная мати Ксение, младены светом святаго крещения озарити и печатью дара ха Святаго запечатлети, отроки и отроковицы в вере, честности, богобоязненности воспитати и успехи в учении им даровати, болящия и недугующия исцели, семейным любовь и согласие низпосли, монашествующих подвигом добрым подвизатися удостой и от поношений огради, пастыри в крепости Духа Святаго утверди, народ и страну нашу в мире и безмятежии сохрани, о лишенных в предсмертный час причащения Святых Христовых Тайн умоли. Ты наша надеждо и упование, скорое услышание и избавление. Тебе благодарение возсылаем, и с тобою славим Отца и Сына и Святаго Духа, ныне и присно, и во веки веков. Аминь.
Молитва 2-я
О преславная святая блаженная мати наша Ксение, теплая о нас пред Богом молитвеннице! Якоже прежде к надгробию твоему припадавший, сице ныне и мы по прославлении твоем к мощем твоим прибегающе, просим: помолися Господу, да освятит наши души и телеса, да просветит ум, очистит совесть от веяния скверны, нечистых помыслов, лукавых и хульных умышлений и от всякаго превозношения, гордости же и кичения, высокоумия же и дерзости, от всякаго фарисейскаго лицемерия, и от всякаго студнаго и лукаваго обычия нашего; да дарует нам искреннее покаяние, сокрушение сердец наших, смиренномудрие, кротость же и тихость, благоговение, разум же духовный со всяким благоразумием и благодарением. Утаившая себе от мудрых века сего, но Богу знаемая, испроси же стране нашей Российстей от бед лютых избавление, всего нашего жития обновление и исправление, соблюди нас во всяком благочестивом православном исповедании веры христианския, яко да ублажающе тя сподобимся во вся дни воспевати, благодарити и славити Отца и Сына и Святаго Духа, Троицу Единосущную, Животворящую и Нераздельную во веки веков. Аминь.